羊格書店

羊格《好多件我好後悔嘅事》

數量

簡介

+ 「我依一生人最大嘅矛盾，係鍾意孤獨，同時害怕孤獨。」 年青時期嘅我，唔識愛情，唔識親情，視愛如無物。但歸根究底，我諗，都係因為當人哋「愛」我，嗰時嘅我都將佢哋放埋一邊，無當過依啲係「愛」。 今年係我出版第一本書之後，第一個十年。而《好多件我好後悔嘅事》，亦都係我寫作咁多年嚟，最珍而重之嘅一本書。可惜，因為一直無緣，一直無法出版。（至於詳細原因，我寫咗喺內文後記。）直到今年，我終於帶到佢嚟畀大家。 我寫依本書嘅時候覺得，自己做咗好多令自己後悔嘅事，份人對愛情無乜承擔，同親人關係又疏離。我好似一時之間，同依個世界失去連結，其實打少我一個，又有邊個覺？ 就係無。當時嘅我，一無所獲，搵唔到自己應該活下去嘅理由。嗰時嘅我，對於應該捉緊嘅關係，偏偏無去好好咁捉緊；應該勇敢去愛嘅人，偏偏畏首畏尾。 依個故事，係年青時期嘅我，第一次真正地問自己：「其實我有乜嘢想講？」 喺依個故事裡面，我以為對人嘅傷害，係對人嘅愛；我以為自己正在愛緊某人，但係人哋根本唔係咁樣覺得。年青，就係會有好多依啲咁嘅誤會，唔小心就傷害到人 編校依個故事嘅時候，我一直喺「依家嘅自己」，以及「過去嘅自己」之間來回擺盪。我一方面唔希望造一本過唔到「依家嘅自己」嘅書，但係另一方面，我又唔想用依家嘅自己，嚟壓過自己當時嘅聲音。 於是喺兩者之間，我都做咗一個幾大嘅平衡。係，當時我確實唔識，乜係愛人，點樣維持一段關係，甚至，我根本未認清「生而為人」，其實即係啲乜。 所以，十年了，我喺盡可能不改動當年故事嘅基礎上，換咗一個新嘅結局畀依個故事。當係依個未來嘅我，留低返少少嘢畀以前嘅自己。 我想透過依一本書，同書裡面依個過去嘅「我」講： 「你做錯事，係應該後悔㗎～」 「你之後要改。」

你可能感興趣的商品